تزه میدان

تعرفه تبلیغات در سایت
عنوان عکس
عنوان عکس
عنوان عکس
عنوان عکس
عنوان عکس

جستجوگر

یافته ها در جستجو

    امکانات وب

    برچسب ها

    بورا تزه میدان دیر/ آنایوردوم اردبیلین میدان­ لاریندان بیری /  یوز ایل دن آرتیق اولار کی تزه دیر و یوز ایل بوندان صونرادا کهنه ­لمیه­ جک / یئددی گئجه سینده قویولان آد دالسیز قاباقسیز آغیز با آغیز / سینه به سینه / گلن نسیل لره یئتیشمه­ لی ­دیر. نییه کی بیزلر کیمی مشهده / کربلایه / مکه ­یه یا قووما مشرف اولابیلمز کی آدی نین  اول اینه مشهدی ، کبلایی ، حاجی  یا قوم آرتیرالار وگویدن دوشمه  نائلیت لرده انتظاریندا دئیل کی گئجه یاتا سحرچاغی آدی نین آخیریندا خان دان ، پاشادان ، دُولَه دن یا سلطنه دن و.... گوزه چارپا.

    عرض ائله دیم قوللوغوزا بورا تزه میدان دیر / یاشاماقی یانسیلایانلار یئغینجاغی  / نه بیلیم بلکه بال آری لاری پوره  وئرمه گی ائله بوردان اورگه نیرلر / بوردا ایت یئیه سین   ، قین  تئیه سین تانیمیر.

    قین دئدیم یادیما دوشدو اوگون کی ائله بو تزه میدان دا بیر قارقانمیش یازیق کیشی ، آجیندان اگنینده کی  پئنجه گین  ساتیردی  ،  بیر اوزونه بنزه ر کیشی ده قیرساققیز اولموشدو کی او پئنجه گی  قمه قین ایلان تاق وورا../

    تازامیداندا هرکیمسه بیر بهانه ایله اوزونه چوره ک تله سی قوروب و گوزون تیکیب او تله نین چرتمه گینه  / آنجاق کی ، تله لرده  هله هله چرتمه یرلر/ نییه کی سیچانلارین بوینو او قده ر یوغونلایب کی تله سهل دی پیشیگی ده وئج لرینه سایمایرلار/

    بوردا بوینو یوغونلار / بوغی بورمالار / قولو زورلولار و چلیم سیز ، قارا وارلیقدان جانا گلمیش انسانلارا حکم  سورورلر

    بوردا خیابانا دوشه نن بساط لاردا نه ایسته سن  تاپابیلرسن

    مومن لرین مچیدلرده ن اوغورلانان باشماقلاری

    اولن لرین میراثا قالمیش کهنه پالتاری ، قایرما دیش لری

    کورپه اوشاقلاری اگین لرینه کیپیلمیش کوینه گی

    گوز مینجیقی

    دل له ک  اولگوجو

    جین تاسی

    بنا قلاسی

    ویوزلرجه بئله بئله شی شوی لری مشتری لرین اونونده نمایشه قویوب

    بونا نه وئریم ، اونا نه وئریم  ، بو قابلامانی نئچه یه دئیرسن؟ بو قاییرما دیشی آغزیمدا پروب ائله یه بیللم؟

    آخی تزه لیک ده  دیش لیگی اولمایان دیش سیز قوجالار سهمیه نین ساخسی یا بنزه ر صوموسون سیندیرماقا کاراسکی فیکرینه دوشوب لر.

    دئیه بیل­لم تازامیدانین آدی دییشیلمه سه ده آداملاری دییشیلیب / دونن ائله  بو دوردوغوم یئرده  قه نو قیراغیندا رحمت لیک کلبه سلیمان اولگوجو الده  مشتری نین باشاین قه نوون شیشدوو سوویلان ایسلادیب  باشیندا پانبوق  اکردی ، اما بوگون  اونون نوه سی  باباسی نین اوجاقین ایستی ساخلایاراق کاسیب  نوغولو قاووروور.

    بئله روایت ائدیرلر کی بیر گون کلبه  سلیمان مشتری نین باشین نئچه  یئرده ن اولگوج لن کسمیشدی /یازیق مشتری باشین آشاغی اندیردی پالتارینا قان دانمایا ، کلبه سلیماندا هی مشتری یه آجیقلانیردی کی باشین یوخاری ساخلایا / نهایت ده مشتری جان قورخوسوندان بئله دئمیشدی کی : کبلایی  او قدر تام مهارتله باش قیرخیرسان ایسته یره م  اگیلیب  .....شاقوندان اوپم .

    آمما میدانین بیر طرفینده کی نمین یولو آدلانیر نه منه کهنه کوله نظریندن کئچسه ، کهنه سماوردن توتدو ایش دن دوشموش پیله ته یه جک  و تای تای چوره ک  خیرداسین دان مامان دوزوناجاق تاپابیلرسن / و او بیرسی طرفینده  تبریزلی لر مسجدی نین قاباغیندا دونن رحمت لیک میرنصیر سربازخانانین قوجاآتلارین حراج  ووران یئرده ، فایتونچی لار پئنج آلی نین اوغلون ، قودوز ضرب آلی  نین   نوه سین ، آت باش قولوشون  نتیجه سین ،  توپ تورموز  دوچرخه و کاردان دوشمومش موتورسیکیلت ساتان دا گوره بیلرسن/

    بورا تازا میدان دی بوردانه ایسته سن تاپیلار/ قوروسوت ، داواخانالاردا تاپیلمایان داوالار/ تاریخی سووشموش  قارنی یئللنمیش  قابچاقلاردا اولان یئینتی ده دوتموش تا موتال شورو ، شکر بالی ،  اوزسوزپنیر ، توتلنمیش کره ، باش اتی ، قویون قورساقی ، مال زینگی ، اوکوز دیرناقی ، کپنک لی قویونون آق جییری ، تویوق پته نه گی ، مال داوار ایچ آلاتی ، کی کئچمیش زامانلاردان  بو گون کی گونه جک آج قیراتلارین جانتایی لاری نین  انتظاریندادیر /

    تازامیدان دا مشتری دن  چوخ جامادار گوزه چارپیر/ کئچمیش ده بخت آزمایی بیلیطی ساتانلارین یئرین ، ایندی سه کوپن آلیش وئریشی ائله ین لر و ارز ایشینده اولانلار دوتوب/

    کوپن آلییام ، کوپن ساتییام ،  دولار ، مانات ، یئن ، یورو بیر خیرداجا حساب ماشین ایلان ال به ال اولور

    نهایت ده بیزیم بو آدی باتمیش تازامیدان دا ، میوه ساتانلار ، اربه اوسته ، یئرده ، توکاندا جادو جنبل ایشینه تام مهارت له مشغولدی لار/ قارپوزلار قیپ قیرمیزی سو کیمین / میوه لرین آل الوان رنگیندن باخانین آغزی سولانیر آمما ائوده ظفر توخانمیش آداملارکیمین ائله رنگ روخون دییشیر کی آلدیقین شی دن اوزون خجالت چکیرسن وهئچ بیلمیرسن اهل عیالین اوزونه نه جور باخاسان/

    بلی بوراتازامیداندی یوخ کاریخدیم  تازابیرمملکت دی کی بیزدن یاخجی لارابو مملکت ده یئر یوخدو و بیزیم کیمین لره نه قدر کونلون ایسته سه او قدر یئر وار  . 

                                                        زنده یادعاصم اردبیلی اردبیل   1389/3/11

    نویسنده : بازدید : 0 تاريخ : دوشنبه 24 مهر 1396 ساعت: 14:28
    برچسب‌ها :

    خبرنامه

    عضویت

    نام کاربري :
    رمز عبور :

    اخبار و رسانه هاهنر و ادبیاترایانه و اینترنتعلم و فن آوریتجارت و اقتصاداندیشه و مذهبفوتو بلاگوبلاگ و وبلاگ نویسیفرهنگ و تاریخجامعه و سیاستورزشسرگرمی و طنزشخصیخانواده و زندگیسفر و توریسمفارسی زبان در دیگر کشورها